Kanadada qystyń jyly bolýyna baılanysty álemdegi eń iri muz aıdyny jabyldy

OTTAVA. QazAqparat – Kanadanyń Ottava qalasynda Rideau Canal Skateway tanymal muz aıdyny bıyl alǵash ret muz jetispegendikten jabylady. Bul týraly juma Ulttyq elorda komıssııasysy (National Capital Commission, NCC) málim etti, dep habarlaıdy QazAqparat Reuters-ke silteme jasap.

Rideau Canal Skateway - álemdegi eń iri tabıǵı muz aıdyny. Onyń uzyndyǵy 7,8 km (4,9 mılı). Ol 50 jyl buryn ashylyp, ıÝNESKO álemdik muralar tizimine engen.

Muz aıdyny jumys isteýi úshin muzdyń qalyńdyǵy keminde 12 dıýım (30 sm) bolýy shart. Ol úshin 10-14 kún qatarynan aýa temperatýrasy mınýs 20-dan mınýs 10 gradýsqa deıin ózgerýi kerek.

Weather Network málimetinshe, Ottavada qańtardaǵy ortasha aýa temperatýrasy Tselsıı boıynsha mınýs 5,9 gradýs (Farengeıt boıynsha 21,4 gradýs) bolǵan.

Qazirgi qys Ottavadaǵy sońǵy on jyldaǵy eń jyly qys bolyp otyr, dep habarlaıdy CBS News.

Ótken qysta muz aıdyny qańtardyń ortasynda ashyldy. Qysqy syrǵanaý merzimi naýryzdyń basyna deıin jalǵasty.

Eń qysqa syrǵanaý merzimi 18 kún bolǵan. Ol 2016 jyly tirkeldi.

«Biz kelýshilerdi kelesi qysta álemdegi eń úlken muz aıdynynda asyǵa kútemiz», - dedi ulttyq komıssııa.