Kanadada kótergish kran qulap, bes adam ajal qushty
OTTAVA. QazAqparat - Kanadada Kelovna qalasynyń ortalyq bóliginde (Brıtandyq Kolýmbııa provıntsııasy) qurylys kranynyń qulaýy saldarynan kem degende tórt adam qaza tapty, dep habarlaıdy QazAqparat CBC telearnasyna silteme jasap.
Jergilikti polıtsııanyń málimetinshe, oqys oqıǵa dúısenbide qurylys alańdarynyń birinde, krandy bólshekteýge daıyndyq júrip jatqan kezde bolǵan. Tórt jumysshynyń mert bolǵany rastaldy. Budan basqa qurylys alańynyń janyndaǵy ǵımaratta jumys istep jatqan bir adam kran qıratqan úıindiler astynda qalǵan. Onyń denesin ázirge shyǵara almaı jatyr. Sonymen qatar, taǵy eki adam aýrýhanaǵa jetkizilgen.
Oqıǵa ornyn polıtsııa qorshaýǵa aldy, qutqarý qyzmetteri jumys istep jatyr. Qazirgi ýaqytta keleńsiz jaǵdaıdyń sebep-saldary tekserilýde.
