Kanadada qazaqstandyq karateshiler jeti medal ıelendi
NUR-SULTAN. QazAqparat - Kanadanyń Monreal qalasynda karateden «A» serııasy aıasyndaǵy Premer-lıga týrnırinde jeti qazaqstandyq medalǵa ıe boldy, dep habarlaıdy QazAqparat.
QR Ulttyq olımpıadalyq komıteti habarlaǵandaı, erler arasynda 60 kelidegi Darhan Asadilov pen áıelder arasynda synǵa túsken 55 kelidegi Sabına Zaharova atalǵan týrnırde qarsylastarynyń bárin jeńip, chempıondyq ataqqa ıe boldy.
Asadilov fınalda japonııalyq Sago Naotodan aılasyn asyrsa, Zaharova fınalda álemde úzdik bestikke enetin nemis qyzy ıAna Bıtchti utty.
Sondaı-aq, taǵy bes sportshymyz qola júldege qol jetkizdi. 60 kelidegi Erkinbek Baıtóreev álemdik reıtıngte birinshi turǵan ıtalııalyq Andjelo Krechenzony, 67 kelidegi Dıdar Ámiráli taǵy bir ıtalııalyq sportshy Lýka Mareskany, 75 kelidegi Ermek Aınazarova slovakııalyq Davıd Podstlandy, 84 kelidegi Igor Chehmarev avstrııalyq Robın Rettenbaherdi jeńgen bolatyn. Sondaı-aq, jaqynda Shanhaıdaǵy týrnırde jeńiske jetken Sofıa Berýltseva bul joly da úzdik úshtik qataryna endi.
