Kanadada Qazaqstan Konstıtýtsııasynyń 25 jyldyǵyna oraı velojarys ótti

OTTAVA. QazAqparat - Qazaqstan Respýblıkasy Konstıtýtsııasynyń 25 jyldyǵyna oraı Qazaqstannyń Kanadadaǵy Elshiliginiń qyzmetkerleri velojarys uıymdastyrdy, dep habarlaıdy QazAqparat.

QR Syrtqy ister mınıstrliginen málim etkendeı, velojarys sımvoldyq 25 shaqyrymdy qurap, Ottava ortalyǵy men Gatıno aýdanynyń kórikti jerlerinen ótti.

«Elshilik uıymdastyrǵan velojarys – qazaqstandyqtarǵa alǵys bildirýdiń tamasha tásili. Qazaqstan men Kanadanyń kóptegen uqsastyqtary bar – bul uqsas tabıǵı-klımattyq jaǵdaılar, eki eldiń de aýmaǵy úlken jáne halyqtyń sany aıtarlyqtaı kób emes, tabıǵı resýrstarǵa baı. Bizdiń elderimiz ekijaqty formatta da, halyqaralyq arenada da ózara tıimdi yntymaqtasady. Syrtqy saıasatta Qazaqstan, Kanada tárizdi, halyqaralyq beıbitshilik pen qaýipsizdikti nyǵaıtýǵa eleýli úles qosýda. Biz sondaı-aq BUU, EQYU júıesi sheńberinde jáne basqa da kópjaqty alańdarda kanadalyq áriptestermen belsendi ózara is-qımyl jasaımyz. Kanadamen ekijaqty qarym-qatynasty damytýda biz ortaq maqsattar men áleýetti múmkindikterge súıene otyryp, ózara is-qımyl jasaýǵa tyrysamyz. Osyndaı múmkindikterdiń biri – sport», - dep atap ótti Qazaqstan Elshisi Aqylbek Kamaldınov.

Qazaqstan Respýblıkasynyń Konstıtýtsııasy (1995 jylǵy 30 tamyzda respýblıkalyq referendýmda qabyldanǵan) ámbebap qaǵıdattarǵa negizdeledi jáne adamdy, onyń ómirin, quqyqtary men bostandyqtaryn joǵary qundylyqpen aıqyndaıdy. Azamattardyń densaýlyǵy men áleýmettik jaýapkershilik Qazaqstan men Kanada úkimetteri úshin basym maqsattar bolyp tabylady.