Kanadada qarýly shabýyldan 10 adam kóz jumdy, taǵy 15-i aýrýhanada jatyr
NUR-SULTAN. QazAqparat – Kanadanyń ortalyq Saskachevan provıntsııasynda bolǵan shabýyldan kem degende 10 adam qaza taýyp, taǵy 15 adam pyshaq jaraqatyn alǵan. Polıtsııanyń málimetinshe, shabýyl jasaǵan eki adam qashyp ketti, olardy búkil provıntsııa aýmaǵynan izdep jatyr, dep habarlaıdy QazAqparat VVS agenttigine silteme jasap.
Shabýyldan japa shekkender 13 túrli jerden, sonyń ishinde kanadalyq krı úndisteri turatyn Djeıms Smıt rezervaty men Ýeldon aýylynan tabyldy.
Polıtsııa shabýyl jasaǵan kúdiktilerdiń esimin atady. Olar - 31 jastaǵy Demıen Sanderson jáne 30 jastaǵy Maılz Sanderson. Olar ózara týys pa, joq pa - belgisiz.
Polıtsııa kúdikti ekeýdiń qarýly ári qaýipti ekenin jáne áli de qashyp júrgenin aıtady.
Sońǵy ret olar jeksenbi kúni tústen keıin Ýeldonnan ońtústikke qaraı 280 km jerde Redjaın provıntsııasynyń astanasynda boı kórsetken.
Djeıms Smıt rezervatynda tótenshe jaǵdaı jarııalandy, bul shara - bıliktiń málimdeýinshe, jeksenbide Kanadadaǵy baıyrǵy qaýym múshelerine baǵyttalǵan «kóptegen kisi óltirý men shabýyldarǵa» jaýap.
Foto: www.bbc.com
