Kanadada qarly boran saldarynan 20 myńnan astam úı jaryqsyz qaldy
NUR-SULTAN. QazAqparat – Kanadanyń Nıýfaýndlend aralynda kúshti qarly borannan zardap shekken 20 myńnan astam úı jaryqsyz qaldy.Bul týraly QazAqparat CTV telearnasyna silteme jasap habarlaıdy.
Ulttyq meteobıýronyń málimetinshe, kesheden beri tipti keı jerlerde qalyńdyǵy 70 santımetrden astam qar jaýǵan. Munda daýyldy jeldiń uıytqýy – 42 m/s.
Nıýfaýndlend aralynyń iri qalasy Sent-Djons shaharynyń bıligi tótenshe jaǵdaı engizgeni týraly habarlady. Barlyq memlekettik mekemeler, bankter, keńseler men dúkender jabyq, kóshelerde tek arnaıy kólikterge ruqsat etilgen. Aýa-raıynyń qolaısyzdyǵy ondaǵan reısterdiń toqtatylýyna jáne keıinge qaldyrylýyna sebep boldy.
Foto: news.milli.az
