Kanadada qalyń jaýǵan qar 18 myń turǵyndy jaryqsyz qaldyrdy
ASTANA. QazAqparat - Kanadanyń Brıtan Kolýmbııasy deıtin provıntsııasynda qalyń jaýǵan qardyń kesirinen 18 myń turǵyn jaryqsyz qaldy. Bul týraly eldegi iri elektr kompanııasynyń basshysy málimdedi. Onyń aıtýynsha, jaryq qashan beriletini belgisiz.
«Boraǵan qar jumysqa kedergi keltirip, jol qatynasyna da bóget bolyp tur. Keı jerlerde qardyń qalyńdyǵy jarty metrge jetken. Saldarynan kólik apaty kóbeıip, shaharda júrip-turý qıyndady», dep habarlaıdy Habar 24 telearnasy.
Sınoptıkterdiń boljamy da kóńil kónshiterlik emes. Aldaǵy táýlikterde qar aralas jańbyr jaýýy múmkin.
