Kanadada qalyń qar jaýyp, áýe reısteri toqtady
OTTAVA. QazAqparat - Kanadada qalyń qar jýýy saldarynan áýe reısteri, mektepter men ýnıversıtetterdegi sabaqtar toqtady, joldar jabyldy, dep habarlaıdy QazAqparat SVS-ge silteme jasap.
Dúısenbi kúni bılik bilim berý mekemelerin, joldardy jabý, áýe reısterin toqtatý týraly sheshim shyǵardy. Sebebi, eldiń basym bóligine qalyń qar túsip, onyń bıiktigi 10-15 sm quraǵan. Bul aılyq jaýyn-shashyn normasynan asyp otyr.
Áýejaılarda áýe reısteriniń toqtatylyp jáne keshiktirilip jatqanyn habarlady. Jolaýshylar men kútip alýshylardan úıden shyǵar aldynda ushý týraly aqparatty tekserip alýlaryn suraýda.
BC Ferries kólik kompanııasy Vankýver qalasy men Vankýver araly arasyndaǵy paromdy reısti toqtatqanyn málimdedi. Sondaı-aq, qaladaǵy qoǵamdyq kólikter jumystarynda da irkilý baıqalyp jatyr.
Kanada poshta qyzmeti Úlken Vankýver, Vankýver araldary jáne Ońtústik jaǵalaý aglomeratsııasy úshin toqtaǵany týraly «sary eskertý» jarııalady.
«Biz poshtalardy jetkizý úshin qoldan kelgenniń barlyǵyn jasaımyz, biraq keshigýi múmkin», - delingen málimdemede.
