Kanadada hokkeı matchyn aıýlardyń shabýyly toqtatty
ASTANA. 4 jeltoqsan. QazAqparat - Kanadada JHL komandalary Calgary Hitmen men Kootenay Ice arasyndaǵy kezdesýde dástúrli hokkeı shoýy bolyp ótti.
Uıymdastyrýshylardyń jospary boıynsha, Calgary Hitmen jankúıerleri ózderiniń súıikti komandalary gol soqqan sátte muz aıdynyna oıynshyq aıýlardy laqtyryp, alańdy toltyryp tastaý kerek. Shoý ekinshi kezeńniń úshinshi mınýtynda Calgary Hitmen shabýylshysy Pavel Padakın kópten kútken shaıbany qaqpaǵa salǵanda bastaldy.
Mereke barysynda túsken qarjy qaıyrymdylyq sharalaryna jumsalady. Matchtan keıin Calgary Hitmen hokkeıshileri naýqas balalar jatqan aýrýhanalarǵa baryp, búldirshinderge oıynshyq aıýlardy tartý etti, dep habarlady RBK.
