Kanadada fılm prodıýseri musylman áıelderine arnalǵan jańa kıim úlgilerin tigip shyǵardy
ASTANA. QazAqparat - Kanada memleketindegi alǵashqy ıslamı serıaldyń prodıýseri Zarka Navaz ózin taǵy bir qyrynan tanytty. Ol serıal túsirý barysynda kezdesken túıtkilderiniń sheshimin izdep, aqyr sońynda musylman áıelderine arnalǵan jańa kıim úlgilerin tigip shyǵarǵan.
«Aımaqtaǵy kishkentaı meshit» dep atalatyn ıslamı serıal túsirý barysynda Zarka Navaz Kanada memleketinde musylman áıelderiniń kıim ındýstrııasy múldem joq ekenine kóz jetkizgen.
«Kanadanyń musylman áıelderi qara hıdjabtyń ornyna ádemi tigilgen ári ulttyq naqyshpen órnektelgen kıimder kıgisi keletinin baıqadym», - deıdi ol.
Onyń tikken kıimderi alǵash ret Toronto qalasynda ótken Islam konferentsııasynda satylymǵa shyqqan bolatyn, dep jazady muslim.kz.
