Kanadada festıval kezinde kólik bir top adamdy basyp ketti
ASTANA. KAZINFORM — Kanadanyń Vankýver qalasyndaǵy oqys oqıǵadan birneshe adam qaza taýyp, taǵy birqatary jaralandy, dep habarlaıdy BBC.
Oqıǵa jergilikti ýaqyt boıynsha saǵat 20:00 shamasynda (BST boıynsha 04:00) boldy. Kólik júrgizýshisi qamaýǵa alyndy, delingen polıtsııanyń X áleýmettik jelisinde jarııalanǵan málimdemesinde.
Vankýver meri Ken Sım zardap shekkender men olardyń otbasylaryna kóńil aıtty. Ol Fılıppınniń basty ulttyq merekeleriniń biri — Lapý-Lapý kúnine arnalǵan jıynda bolǵan oqıǵadan shok bolyp, qatty qaıǵyrǵanyn atap ótti.
Polıtsııa tergeýdi jalǵastyryp jatyr. Oqıǵanyń mán-jaıy naqtylanady.
Buǵan deıin Germanııanyń Mangeım qalasynda osyǵan uqsas jaǵdaı boldy. Sol kezde de bir top adamdy kólik basyp ketken edi.
2024 jyldyń jeltoqsan aıynda Magdebýrgte 50 jastaǵy saýdııalyq dáriger-psıhıatr Rojdestvo bazaryna kelýshilerge shabýyl jasap, alty adam qaza tapty.
Aqpan aıynyń ortasynda 24 jastaǵy aýǵan bosqyny óz kóligimen Mıýnhendegi demonstranttar tobyn qaǵyp ketti. Oqıǵa ornynda jas áıel men bala jan tapsyrdy.