Kanadada eki balany óltirgen pıton ıesin sot aqtap shyqty
ASTANA. QazAqparat - Kanadada alqabıler soty 2013 jyly alty jáne segiz jastaǵy eki balany býyndyryp óltirgen alyp jylan qashyp ketken zoodúken ıesin aqtady, dep habarlaıdy Bı-Bı-Sı agenttigi.
Tórt metrlik torkózdi pıton tún ishinde terrarıýmnan shyǵyp, dıametri 10 sm bolatyn jeldetkish sańylaýy arqyly dúken ústindegi páterge, aǵaıyndy Noa jáne Konnor Bart uıyqtap jatqan bólmege ótip ketip, balalardy býyndyryp óltirgen.
Sotta dúken ıesi Jan-Klod Savoıeniń advokattary Savoıeniń jylannyń jińishke sańylaý arqyly páterge ótetinin bilmegenin jáne ony jabýdy qajet dep tappaǵanyn aıtty.
Prokýrorlar kerisinshe, jeldetkish sańylaýyn tormen jappaǵan Savoıe qylmystyq nemquraılylyq tanytty dep esepteýde. Alaıda, alqabıler soty zoodúken ıesin jaqtady.
Oqıǵa 2013 jyly tamyz aıynda kanadalyq Nıý-Bransýık provıntsııasy, Kempbelton qalasynda boldy. Zoobaq ústindegi páterde uıyqtap jatqan eki balanyń jansyz denesi tabyldy. Tekserý kezinde olardan jylan ýy tabylǵan.
Pıton keıin ustalyp onyń kózi joıyldy.
