Kanadada ChatGPT jasaýshy kompanııaǵa qatysty tergeý bastaldy
Kanadanyń jeke ómirdi qorǵaý komıssarynyń basqarmasy jasandy ıntellektige negizdelgen atyshýly chat-botty jasaýshylarǵa qatysty tergeýdi bastady. Oǵan sebep – jasandy ıntellekt qoldanýshylardyń kelisiminsiz olardyń jeke aqparattaryn jınaıdy, paıdalanady jáne ashady degen aryz.
ChatGPT byltyr esse, án, emtıhan, tipti maqala jaza alý qabiletiniń arqasynda álemdik sensatsııaǵa aınaldy.
Biraq tehnıkalyq fenomenniń synshylaryn ChatGPT men básekeles-baǵdarlamalar málimetterdi qalaı alady jáne óńdeıdi degen saýal alańdatty.
«Biz zaman aǵymymen qatar júrýimiz kerek, tipti tez damyp jatqan tehnologııanyń aldynda bolýymyz kerek», - dep málimdedi basqarma basshysy Fılıpp Dıýfresn.
Chat-botty óziniń servısteriniń qataryna qosqan Microsoft kompanııasy ony qarjylandyrady, ChatGPT chat-boty Google izdeý júıeleriniń áleýetti básekelesi sanalady.
Kanadadaǵy tergeý jasandy ıntellektige negizdelgen chat-bottyń jumysyn muqııat baqylaýǵa shaqyrǵan eskertýlerden keıin bastaldy.
Ótken aptada OpenAI kompanııalarynyń negizin qalaýshylardyń biri bolǵan, biraq 2018 jyly-aq dırektorlar keńesinen shyqqan Ilon Mask pen júzdegen álemdik sarapshy GPT-4-ten kúshtirek jasandy ıntellekt júıelerin oqytýdy jarty jylǵa toqtata turýdy usyndy. Aldymen olardy qalaı baqylaýdy túsinip alýymyz kerek deıdi olar. Sarapshylardyń pikirinshe, olar qoǵam úshin qaýipti.
Ótken aptada Italııa derekterdi paıdalanady degen qaýippen ChatGPT chat-botyn buǵattaǵan alǵashqy batys eli boldy.
