Kanadada bıiktigi 20 kılometrge jetetin munara turǵyzylady - FOTO/VIDEO
ASTANA. QazAqparat - Kanadanyń Thoth Technology qorǵanys kompanııasy ǵaryshtyq jedelsaty (lıft) qurylysyna patent aldy. Bul munara turǵyzylatyn bolsa, orbıtaǵa týrısterdi jáne birneshe tonnalyq júkti kóteretin bolady. Sondaı-aq, jel energııasyn retteıtin bolady. Bul jaıynda RT aqparat kózi habar taratty.
Ǵarysh kemesine qaraǵanda mundaı munara ǵaryshqa saıahattaıtyn týrısterdiń ómirine qaýip tóndirmeıdi. Injenerlerdiń esebine qaraǵanda, bul lıft ǵarysh kemesimen salystyrǵanda janar-jaǵarmaıdy 30 paıyzǵa únemdeýge múmkindik beredi. Munaranyń ushar basynda ǵarysh apparattaryn ushyratyn alań bolady.
Thoth Technology turǵyzatyn bul munara álemdegi eń záýlim ǵımarattan (Dýbaı qalasyndaǵy bıiktigi 828 metrge jetetin Býrj-Halıf ǵımaratyn aıtyp otyr - red.) 20 ese bıik bolmaq. Onyń bıiktigi bul mejemen ǵana shektelip qalmaýy múmkin. Bolashaqta onyń bıiktigin 200 kılometrge jetkizilýi múmkin. Al bul óz kezeginde ashyq ǵaryshqa shyǵýǵa múmkindik bermek.
Mundaı ǵaryshtyq lıft týraly ıdeıany alǵash aıtqan orys ǵalymy Konstantın Tsıolkovskıı boldy. Ol bul ıdeıasyn 1895 jyly aıtqan edi. Al ǵalymdar men ınejenerler ony qandaı materıaldardan turǵyzýdy talqylap jatyr, dep jazady islam.kz .
