Kanadada belgisiz bireý lotereıadan $40 mln utyp aldy
ASTANA. QazAqparat - Belgisiz bireý Kanadadaǵy belgili lotereıalardyń biri Lotto Max-tan 50 mln kanadalyq dollar (40 mln AQSh dollary) utty.
Utys oıynynyń ókilderi habarlaǵandaı, lotereıany ol Gamılton (Ontarıo provıntsııasy) qalasynda satyp alǵan, dep jazdy TASS .
Aqpan aıynyń basynda Ontarıo provıntsııasyndaǵy Vasaga-Bıch qalasynyń turǵyny bul lotereıanyń 50 mln dollar kólemindegi bas júldesine qol jetkizdi.
Lotto Max lotereıasy Kanadada 2009 jyly iske qosylǵan. Sodan beri utys aqshasy kóp eń tanymal utys oıynyna aınaldy. Bas júldeni utý úshin 1-den 49-ǵa deıin jeti negizgi sandy tabý kerek. Utý múmkindigi 28 mıllıon bılettiń ishinen bireýi ǵana.
