Kanadada belgisiz bireý lotereıadan 25 mln dollar utty
ASTANA. QazAqparat - Kanadanyń Nıý-Bransýık provıntsııasynda lotereıa bıleti 25 mln dollar utyspen satyldy. Bul týraly keshe, 30 qarashada elde jyl saıyn onshaqty lotereıa utystaryn ótkizetin Atlantic Lottery qaýymdastyǵynyń ókili habarlady.
Anyǵy, eń tanymal ulttyq lotereıa Lotto Max provıntsııa astanasy - Frederıkton qalasynda satylǵan. «Utys nómiri 3, 4, 7, 12, 17, 26 jáne 34», -dep naqtylady qaýymdastyqtan. Biraq baqytty jannyń kim ekendigi týraly ázirge habar joq.
Bir qyzyǵy, Nıý-Bransýık «eń sáttilikke toly» provıntsııa bolyp sanalady. Óıtkeni Atlantic Lottery qaýymdastyǵy oıyndarynyń utystary kóbinese osy qalanyń turǵyndaryna buıyrady.
Tek aǵymdaǵy jylǵy mamyr aıynda ǵana Kanadanyń osy aımaǵynda jas áıel men erli-zaıyptylar 7 jáne 10 mln dollar utyp alǵan.
