Kanadada bastalǵan júk tasymaldaýshylardyń qarsylyq sherýi Eýropada jalǵasýda

NUR-SULTAN. QazAqparat – Parıj polıtsııasy qalanyń negizgi kireberisterine baqylaý-ótkizý beketterin ornatty. Sonymen qatar tyıym salynǵan narazylyq aktsııasyna bet alǵan 500 kólikti toqtata alǵanyn, alaıda ondaǵan kóliktiń qala ortalyǵyna ótip ketkenin málimdedi, dep habarlaıdy QazAqparat Euronews-ke silteme jasap.

Quqyq qorǵaý organdary kózden jas aǵyzatyn gazdy qoldanýǵa májbúr boldy, birneshe adam ustaldy.

Frantsııanyń túkpir-túkpirinen astanaǵa avtokólikter, jyljymaly úıler men fýrgondar 2-3 kún ishinde qosalqy joldar arqyly jetken. Barlyǵy 3,5 myńǵa jýyq kólik bar.
Kanada men Frantsııadaǵy narazylyq qozǵalystarynan shabyttanǵan ondaǵan júk kóligi Gaagadaǵy parlament keshenine kire beris joldy jaýyp tastady.
Júk tasymaldaýshylarǵa basqa da kovıdke qarsy shekteýlerge narazylyq bildirýshiler qosyldy.
Kanada men Frantsııadaǵy narazylyq qozǵalystaryn qoldaǵan ondaǵan júk kóligi Gaagadaǵy parlament keshenine kire beris joldy jaýyp tastady.
«Biz azattyǵymyzdy qaıtarǵymyz keledi. Sońǵy kezderi barlyq salada tym kóp shekteýler bolyp ketti. Muny toqtatý kerek», - dedi narazylyq bildirýshilerdiń biri.
Polıtsııa narazylyq bildirýshilerdi jaqyn mańdaǵy saıabaqqa ótýge shaqyrdy, biraq kóbisi sol jerde «kem degende bir apta» bolatyndaryn aıtty.
«Bostandyq konvoıy» dep atalatyn alǵashqy sharany kanadalyq júk kólikteri AQSh-pen shekaradan ótken kezde vaktsınatsııalaý talabyna qarsylyq bildirý úshin uıymdastyrdy.

Eske salala ketsek, júk tasymaldaýshylardyń joldardy jaýyp tastaýyna baılanysty Kanadanyń astanasynda tótenshe jaǵdaı jarııalandy.