Kanadada aıý 37 jastaǵy áıel men onyń sábıin talap tastady
ASTANA. QazAqparat - Kanadanyń ıÝkon aımaǵynda áıel men onyń 10 aılyq qyzy grızlı aıýynyń shabýylynan kóz jumdy, dep habarlaıdy «QazAqparat» HAA CBC News-qa silteme jasap.
Koroner Hızer Djonstyń aıtýynsha, 37 jastaǵy Valerı Teoret pen onyń qyzy Adel Rosholttyń denelerin dúısenbi kúni otaǵasy taýyp alǵan.
Aıý shabýyldaǵan kezde áıel men bala úıde jalǵyz boldy, deıdi koroner.
«Oqıǵa kezinde anasy men qyzy esik aldynda qydyryp júrdi, bul shamamen saǵat 10:00 men 15:00 aralyǵynda bolǵan», - delingen baspasóz paraqshasynda.
Kvebek týmasy Valerı bala kútimi boıynsha demalysta bolǵan. Dekretke shyqqanǵa deıin ol Ýaıthors Bastaýysh mektebiniń 6-synybyna frantsýz tilinen sabaq bergen. Koronerdiń málimetinshe, sońǵy úsh aı boıy otbasy Eınarson kóliniń mańynda saıahattap júrgen.
Saǵat 15:00-de ańnan kele jatqan Jerman Rosholt úıinen 100 metr jerde aıýǵa tap boldy. Ony atyp tastap, úıine kirgen sátte zaıybynyń denesin, al úıdiń syrtynda balasynyń denesin kórdi.
