Kanadada avtomobılder «zıraty» mıllıon dollarǵa satylýda
ASTANA. QazAqparat - Kanadanyń Brıtanııalyq Kolýmbııa provıntsııasynda 2 gektar jerdi alyp jatqan avtomobılder «zıraty» satylymǵa qoıyldy.
Habarlama Century 21 rıeltorlyq kompanııasynyń saıtyna ornalastyrylǵan, dep habarlaıdy QazAqparat «Lenta.rý»-ǵa silteme jasap.
340-tan astam mashına, jer men ǵımarat 1,45 mıllıon kanadalyq dollarǵa (1 mıllıonǵa jýyq AQSh dollary) satylýda. Avtomobılder arasynda qarapaıym jáne sırek kezdesetin kólikter bar. Olardyń quny 375 dollardan bastalyp 26 myńǵa deıin barady.
Zırattyń 60 jastaǵy ıesi Maık Holl (Mike Hall) mashına jınaýmen 20 jasynan bastap aınalysqan. Ol ózge jumysyna baılanysty qalaǵan barlyq kólikterdi qalpyna keltirip úlgermeı jatqandyqtan, jerdi satýǵa uıǵarǵan.
