Kanadada avtobýs jol apatyna túsip, 15 adam mert boldy
TORONTO. QazAqparat – Kanadanyń Manıtoba provıntsııasynda júk kólik men avtobýs soqtyǵysyp, 15 adam qaza tapty, dep habarlady Kanadanyń koroldik at ústindegi polıtsııasy. Jol-kólik apaty Manıtoba provıntsııasynyń negizgi qalasy Vınnıpegten batysqa qaraı eki saǵattyq jerdegi Transkanada tasjolynda boldy. Avtobýsta negizinen egde jastaǵy adamdar otyrǵan, dep habarlaıdy QazAqparat BBC News-ke silteme jasap.
Oqıǵa ornyna sanıtarlyq avıatsııa men 12 jedel-járdem kóligi shuǵyl jetti. Qarııalardyń kóbi Manıtoba provıntsııasynyń Dofın qalasy men basqa da jaqyn mańdaǵy aýdan turǵyndary.
CNN habarlaýynsha, avtobýs Karberrı qalasynyń irgesinde ornalasqan kazınoǵa bara jatqan. Resmı tulǵalardyń sózinshe, eki júrgizýshini qosqanda jaralanǵan 10 adam aýrýhanaǵa jetkizildi. Kanadada mundaı kóp adammen jol apaty 2018 jyly boldy. Ol kezde Humboldt Broncos jasóspirimder hokkeı komandasy mingen avtobýs tirkemesi bar júk kóligimen soqtyǵysyp, 16 adam qaza tapqan edi.
