Kanadada aýa raıy mınýs 50 gradýsqa deıin sýytady
ASTANA. QazAqparat - Kanadanyń ortalyq jáne shyǵys aımaqtarynda kún kúrt sýytty, keı jerlerde termometr baǵany mınýs 50 gradýsqa deıin túsip ketýi yqtımal, dep habarlaıdy reseılik TASS agenttigi.
Qatty aıaz týraly sınoptıkterdiń eskertýi eldegi Manıtoba, Ontarıo, Kvebek, Nıý-Bransýık provıntsııalarynda jáne Nıýfaýndlend shyǵysy men Labradorda jarııalanǵan. Eldegi iri qala Toronto men Ottava da aıaz aımaǵynda qalyp qoıǵan, temperatýra mınýs 40-45 gradýsqa tómendeýi múmkin.
Qazir el astanasynda termometr baǵany 32 gradýs sýyqtyqty kórsetýde. Al, qatty aıaz eldiń soltústigindegi Ontarıo men Manıtoba provıntsııasynda kútilýde, aýa temperatýrasy nólden 50 gradýsqa deıin tómendeýi múmkin.
Sınoptıkter kún raıy tek jeksenbi keshke jylynýy múmkin dep boljap otyr.
Aýa raıynyń kúrt sýytýy saldarynan eldimekenderdegi dalada ótetin is-sharalardyń barlyǵy keıinge qaldyrylǵan.
