Kanadada aptap ystyqtan mıllıardtaǵan teńiz janýarlary qyryldy
TORONTO. QazAqparat – Kanadada aptap ystyq saldarynan mıllıardtaǵan teńiz janýarlary qyrylyp qaldy, dep habarlaıdy QazAqparat Toronto Star-ǵa silteme jasap.
Kanadanyń jaǵalaý aımaǵynyń júzdegen shaqyrymynda Brıtandyq Kolýmbııanyń Tynyq muhıty jaǵalaýyndaǵy jartasty jaǵalaýlarda mekendeıtin mıdııalardyń, ulýlardyń, teńiz juldyzdarynyń bos qabyqtary jaǵaǵa shyǵyp qalǵan.
Bıologtar jaǵalaý boıyndaǵy keıbir jerlerde +50 gradýs temperatýrany tirkedi. Ádette mundaı teńiz janýarlary +30 gradýsqa deıingi ystyqqa ǵana tótep bere alady.
Brıtandyq Kolýmbııa ýnıversıtetiniń teńiz bıology Krıstofer Harlıdiń aıtýynsha, aktınıılerdiń, tas balyqtardyń jáne ýstrıtsalardyń jappaı qyrylý faktileri de tirkelgen. Onyń sanaýynsha, aptap ystyqtyń saldarynan mıllıardtan astam teńiz janýarlary qyrylǵan. Balyq pen janýarlardyń popýlıatsııasyn qalpyna keltirý úshin eki jyldan astam ýaqyt qajet bolmaq.
Aıta keter jaıt, AQSh-tyń batys jaǵalaýyndaǵy jáne Kanadadaǵy aptap ystyq júzdegen ólimge ákeldi. Kanadalyq BAQ-tyń habarlaýynsha, tek Brıtandyq Kolýmbııa provıntsııasynda turaqty joǵary temperatýraǵa baılanysty sebepterden bolǵan ólim jaǵdaılarynyń sany jarty myńǵa jýyqtady.
