Kanadada álemdegi eń úlken muz aıdyny ashyldy
ASTANA. 16 qańtar. QazAqparat - Kanada astanasynda jańa muz aıdyny ashyldy, ol burynnan álemdegi eń úlkeni dep tanylǵan.
Bıylǵy jylǵy kanadalyq áýesqoılar taza aýada konkımen syrǵanap, Ottavanyń Parlamenttik belesine jaqyn jerdegi Rıdo sý arnasy arqyly bara alady. Olardyń enshisine 8 shaqyrymǵa jýyq tegis ári qatty muz aıdyny berilip otyr.
Ótken jyly muz aıdyny jumys istegen bir jarym aıdyń ishinde dem alýshylardyń sany rekordtyq deńgeıge - 835 myń adamǵa jetti, dep habarlady Globalscience. Qazir Ottavada shamamen osynsha adam turady.
2006 jyly kanadalyq Rıdo sý arnasy álemdegi ashyq aspan astyndaǵy eń úlken muz aıdyny retinde Gınnestiń rekordtar kitabynda tirkelgen.
