Kanadada alapat orman órtinen myńdaǵan adam kóshirildi
NUR-SULTAN. QazAqparat - Kanadanyń Albert provıntsııasynyń soltústigindegi Haı Level qalasynyń janyndaǵy orman órtenip jatyr. Qazir jalyn sharpyǵan aýmaq 105 200 gektardan asqan, dep habarlaıdy «QazAqparat» HAA CTV telearnasyna silteme jasap.
Órt saldarynan 5 000-ǵa jýyq adam qaýipsiz jerge kóshirilgen.
Órtti sóndirý jasaǵynyń basshysy Skott Elıottyń aıtýynsha, jalyn jeldiń ekpinimen soltústikke jáne soltústik-shyǵysqa qaraı jyljýy múmkin.
Órtti sóndirýge 600 órt sóndirýshi, 28 tikushaq, 8 ushaq, kóptegen arnaýly tehnıkalar jumyldyrylǵan.
Jergilikti órt sóndirýshilerge kómek retinde Brıtan Kolýmbııasy, Ontarıo, Hanzada Edýard aralynan járdemshi jasaqtar jiberildi.
Birneshe joldar jabylǵan. Jergilikti bılik aýa sapasynyń nasharlaıtynyn turǵyndarǵa eskertip jatyr.
