Kanadada 49 gradýs ystyq: Júzden asa adam kóz jumdy
NUR-SULTAN. QazAqparat – Kanadanyń batys bóliginde buryn-sońdy bolmaǵan ystyqtyń saldarynan júzdegen adam kóz jumdy, dep habarlaıdy QazAqparat VVS agenttigine silteme jasap.
Aýa temperatýrasy Brıtandyq Kolýmbııa provıntsııasynda tórt kún boıy kóterilip, seısenbi kúni qalalardyń birinde Tselsıı boıynsha 49,5 gradýsqa jetken.
Vankýverdiń (provıntsııanyń iri qalasy) ózinde jumadan bastap jylý soqqysynyń saldarynan 130 ólim tirkelgen. Kóz jumǵandardyń basym bóligi – egde jastaǵy jáne sozylmaly aýrýy bar adamdar.
Kanadadaǵy buryn-sońdy bolmaǵan ystyq aýa temperatýrasy +46°S-tan asyp, 80 jyldyq rekord ornatty.
Sońǵy ret mundaı ystyq 1937 jyly Saskachevan provıntsııasynda tirkelgen.
Buǵan deıin AQSh Ulttyq meteorologııalyq qyzmeti (NWS) Vashıngton men Oregon shtattarynyń barlyq aýmaǵynda, sondaı-aq Kalıfornııa men Aıdahonyń kóptegen aýdanynda qatty ystyq bolatynyn habarlaǵan bolatyn.
Mamandar temperatýranyń kúrt kóterilýin AQSh-tyń soltústik-batysy men Kanada bóliginiń ústinde paıda bolǵan joǵary qysymdy aımaqpen túsindirdi.
