Kanadada 400 myńǵa jýyq adam elektr jaryǵynsyz qaldy
ASTANA. 23 jeltoqsan. QazAqparat - Kanadada daýyl men muzdy jaýynnyń saldarynan 400 myńǵa jýyq adam elektr jaryǵynsyz qaldy. Bul týraly 22 jeltoqsan kúni National Post habarlady.
Ontarıo provıntsııasynda 350 myń turǵyn, sonyń ishinde Torontoda 250 myń adam jaryqsyz qalǵan. Toronto Hydro elektr kompanııasynyń málimdeýinshe, elektr jabdyqtaryn qalpyna keltirý úshin 72 saǵatqa deıin ýaqyt kerek.
Elektr symdary jelisiniń úzilýine ákep soqqan muzdy jaýyn, kúshti jel men qalyń jaýǵan qar Kanadanyń shyǵys provıntsııalarynda 21 jeltoqsannan beri tolastamaı tur.
Sonymen birge, aýa raıynyń qolaısyzdyǵynan búkil el boıynsha, júzdegen apat oryn alǵan. CBS News habarlaǵandaı, jalpy alǵanda shamamen 5 adam qurban bolǵan. Torontoda tramvaılar qozǵalysy toqtatyldy. Bılik ókilderi avtokóliktermen júrýdi toqtata turýdy surap otyr. Ottava, Toronto, Monreal, Frederıkton jáne basqa qalalardyń áýejaılarynda júzdegen reıster toqtatyldy, dep jazady CBS News.
