Kanadada 280 myńnan astam adam jaryqsyz qaldy
NUR-SULTAN. QazAqparat – Kanadanyń shyǵysyndaǵy Ontarıo provıntsııasynyń ońtústik bóliginde qatty jel soǵyp, saldarynan 280 myńnan astam úı men basqa da ǵımarattar jaryqsyz qaldy. Bul týraly jeksenbi kúni Global news telearnasy málim etti, dep habarlaıdy QazAqparat TASS-qa silteme jasap.
Jel Toronto aýdany men oǵan jaqyn mańaıda soqqan. Ulttyq meteobıýronyń málimetinshe, jeldiń jyldamdyǵy keı jerlerde 120 km/saǵatqa (33 m/s) jetken. Óńirde myńdaǵan aǵash qulap, elektr jelileri zaqymdaldy.
Jergilikti elektr jelisi kompanııasynyń habarlaýynsha, apattyq brıgada zaqymdalǵan elektr jelilerin jóndep jatyr, biraq álige deıin 210 myń qoldanýshy jaryqsyz otyr. Qalpyna keltirý jumystarynyń qashan aıaqtalatynyn habarlaǵan joq.
Zardap shekkender týraly aqparat joq.
