Kanadada 28 sáýirde merziminen buryn parlamenttik saılaý ótedi
ASTANA. KAZINFORM — Kanadanyń premer-mınıstri Mark Karnı 28 sáýirde merziminen buryn parlamenttik saılaý ótkiziletinin jarııalady, dep habarlaıdy TASS.

— Men jańa ǵana Kanada general-gýbernatory Merı Saımonǵa parlamentti taratyp, 28 sáýirge saılaý kúnin belgileýdi ótindim. Ol kelisti, — dedi Karnı ulttyq telearnalarda taratylǵan arnaıy úndeýinde.
Premer-mınıstr merziminen buryn saılaý ótkizý týraly sheshim el ekonomıkasyndaǵy problemalardy qysqa merzimde sheshý jáne Amerıka ákimshiliginiń tarıftik saıasatyna jaýap berý qajettiliginen týyndaǵanyn túsindirdi. Ol úshin oǵan jáne onyń úkimetine halyqtyń «myqty qoldaýy» qajet, dep qosty Karnı.
El Parlamenti 24 naýryzda jumysqa qaıta kirisýi kerek edi, al kezekti saılaý 20 qazanǵa josparlanǵan bolatyn. 9 naýryzda Djastın Trıýdo Kanadanyń úkimet basshysy jáne basqarýshy lıberaldy partııasynyń jetekshisi qyzmetinen ketkennen keıin Karnı premer-mınıstr bolyp taǵaıyndalǵan edi. Osy ýaqytqa deıin jurshylyq jańa premer-mınıstr merziminen buryn saılaý ótkiziletinin jarııalaıdy dep kútti, óıtkeni parlament 24 naýryzda Karnıdiń senim votýmyn qarastyrýy kerek bolatyn. Bul rette Parlamentte lıberaldardyń az ekenin jáne barlyq oppozıtsııalyq partııalar jetekshileri lıberaldardy qoldamaıtynyn málimdegendikten, Karnıdiń senim votýmy boıynsha daýys berýden sátti ótý múmkindigi bolmaıtyn edi.
SVS telearnasynyń málimeti boıynsha Karnıdiń qazirgi senim reıtıngi 37,7% shamasynda, al onyń Kanada oppozıtsııalyq konservatıvti partııasynan basty qarsylasy Per Pýalevrdiń reıtıngi 37,4% deńgeıinde.
Osydan buryn Kanada premer-mınıstri Djastın Trıýdo otstavkaǵa ketetinin jarııalaıtyny anyqtaldy.