Kanadada 145 balanyń ákesi kóp áıel alǵany úshin aıyptaldy
ASTANA. QazAqparat - Brıtanııalyq Kolýmbııa soty (Kanada) 61 jastaǵy Ýınston Blekmordy kóp áıel alǵany úshin aıypty dep tanydy, dep habarlaıdy Yahoo News.
Ýınstonnyń 24 áıeli men 145 balasy bar. Sondaı-aq onyń bes áıeli bar burynǵy baldyzy da kóp áıel alǵany úshin kináli boldy.
Jergilikti zań boıynsha, er azamat bes jylǵa bas bostandyǵynan aıyrylýy múmkin.
Blekmor 25 jyldyń ishinde 24 áıelge úılengen. Ol Qudaıdyń ámirin oryndadym dep málimdedi, dep jazdy Interfaks.
Sýdıa onyń sheshiminiń dinı kózqarastarǵa qatysy joq ekenin atap ótti, bul tek kóp nekelilik máselesine qatysty. Barlyq neke mormon dástúrine saı jasalǵan.
Prokýrorlar Blekmordy 20 jyl buryn sottamaqshy bolǵan, alaıda bul istiń dinı turǵyda qýǵyndaý bolyp baǵalanatynynan qaýiptengen.
2011 jyly Brıtanııalyq Kolýmbııa soty kóp nekeliktiń sońy dinge senýshilerdiń bostandyǵyn shekteý bolyp tabylatyndyǵyn aıtty.
Mormon shirkeýiniń negizgi tarmaǵy kóp nekelikten bas tartqandyǵy atalyp ótiledi.
