Kanada jaǵalaýynda magnıtýdasy 5,5 bolatyn jer silkinisi tirkeldi
ASTANA. KAZINFORM – Kanadanyń Vankýver araly jaǵalaýynda 5,5 magnıtýdalyq jer silkinisi boldy, dep habarlaıdy Sınhýa.
Agenttiktiń málimetinshe, jer silkinisi senbi kúni Grınvıch ýaqyty boıynsha 04:49-da tirkelgen. Bul týraly Germanııanyń geoǵylymdar zertteý ortalyǵy (GFZ) habarlady.
Aldyn ala málimetke sáıkes, jer silkinisiniń epıtsentri 49,62 gradýs soltústik endik pen 129,28 gradýs batys boılyq koordınattarynda ornalasqan.
Jerasty dúmpýleriniń oshaǵy 10 shaqyrym tereńdikte bolǵan.
Osyǵan deıin Neapol mańyndaǵy janartaýlyq aımaqta sońǵy jyldardaǵy eń kúshti jer silkinisi bolǵany týraly jazdyq.
