Kanada turǵyny ulttyq lotereıadan 13,2 mln dollar utty
NUR-SULTAN. QazAqparat - Kanadada ulttyq lotereıanyń 17,6 mln kanadalyq dollar kólemindegi ($13,2 mln) djekpoty oınatyldy. Bul týraly jeksenbi kúni utys ótkizetin OLG kompanııasy málim etti, dep habarlaıdy QazAqparat.
«Túsken nómirler - 1, 8, 18, 24, 30 jáne 45. Bonýs- sany - 13», - dep naqtylady uıymdastyrýshylar. Qazirgi ýaqytta belgili bolǵany baqytqa keneltken bılet Ontarıo provıntsııasynda satylǵan.
Budan basqa 1 mln kanadalyq dollar kóleminde ($760 myń) jubanysh syılyǵy oınatylǵan. Ol Brıtandyq Kolýmbııa provıntsııasynyń turǵynyna buıyrdy.
Endi ulttyq lotereıanyń erejesine sáıkes, utys ıesi bıletin uıymdastyrýshylarǵa mindetti túrde kórsetýi tıis, munymen qatar jeńimpazdyń kim ekendigi jurtshylyqqa aıtylýy tıis.
