Kanada telearnasynda tuńǵysh ret hıdjap kıgen arý jańalyqtar júrgizýshisi atandy
ASTANA. QazAqparat - Panama týmasy Djınella Massa Kanada telearnasynda tuńǵysh ret hıdjap kıip, jańalyqtar baǵdarlamasyn júrgizetin boldy.
Djınnela CityNews telearnasynda jumys isteıdi, áleýmettik jelide ol telearna basshylyǵyna osyndaı múmkindik bergenderi úshin alǵys aıtty.
«Búgingi kún men úshin erekshe. Men buǵan deıin Kanadada hıdjap kıgen áıel jańalyqtar júrgizýshisi boldy degendi estimeppin», - dep jazdy ol.
Buǵan deıin Djınnela osy telearnada reporter bolyp qyzmet etken, sol sebepti ony mundaǵy oramal taqqan tuńǵysh korrespondent boldy dep te aıtýǵa tolyq negiz bar.
