Kanada taýlarynda 20 jasar qazaqstandyqty qutqardy
ASTANA. QarAqparat - Qazaqstandyq snoýbordshy Arslan Júnis qar qursaýynda qalyp, qutqarýshylar kelgenge deıin Kanada taýlarynda túnedi.
Qutqarýshylardyń aıtýynsha, dúısenbi kúni túnde kómek surap, sms-habarlama jibergen, alaıda ol tek seısenbi kúni tańda tabyldy. Arslan Júnisti jergilikti ýaqytpen tańerteń saǵat 10-da tikushaqpen qutqardy. «North Shore Rescue» qutqarýshylarynyń aıtýynsha, qazaqstandyq qatty tońǵan, biraq taýda túnegenin esepke alǵanda onyń jaǵdaıyn jaqsy dep baǵalaýǵa bolady, dep habarlaıdy News Vancoover.
Arslannyń sózine qaraǵanda, ol qutqarýshylar kelgenge deıin qarly úńgirde túnegen. Olardyń kómeginsiz tiri qalýy ekitalaı izdeý brıgadasyna alǵys bildirdi. Qýanyshqa oraı, aýa raıy jyly bolǵan. Arslannyń ákesi Baǵlan Júnis Kazakh Alpine Club prezıdenti bolyp jumys jasaıdy. Onyń aıtýynsha, ol kanadalyq qutqarýshylardyń kásibıligine kúmán keltirmegen. Bul týraly Facebook-ke jazdy. «Keshe Kanada taýlarynda Arslannan kómek suraǵan habarlama keldi. Men birneshe ret qutqarý operatsııalaryna qatysqanmyn (...) Arslannyń taýda sýyq túnge shydaýy mańyzdy edi. Ol muny jasaı aldy. Olar arada 17 saǵat ótkennen keıin qutqara aldy. Biz keshe kúni boıy ulymyz úshin jalbaryndyq. Ol jarady, barlyǵyn durys jasady. Úńgir qazyp, durys qymtanyp, abdyramaı qutqarýshylardy kútti!», - dep jazdy Arslannyń ákesi.
Rescuers take off with the long line. Weather cooperating so far... pic.twitter.com/NwM17lnF7z
— Nafeesa Karim (@nafeesakarim) December 27, 2016
