Kanada sherýge shyqqandardy qoldap shetelden qarajat aýdarǵan bank shottaryn buǵattady
NUR-SULTAN. QazAqparat - Kanada polıtsııasy Ottavanyń ortalyǵyndaǵy kóshelerdi úsh apta boıy jaýyp tastaǵan kólik júrgizýshilerin sherýin tarata bastady, dep habarlaıdy QazAqparat VVS saıtyna silteme jasap.
Kanadalyq polıtseıler «tazartý» operatsııasy juma kúni tańerteń bastaldy. Buǵan deıin Kanada úkimeti narazylyqqa shyqqandardy kúshpen taratýǵa múmkindik beretin Tótenshe jaǵdaılar týraly zań qabyldady.
Operatsııa kezinde 100 adam qamaýǵa alyndy. Qarsylyq kórsetken keıbir narazylardy polıtseıler qolyn baılap, áketýge májbúr bolǵan.
Sonymen qatar Kanadanyń Ontarıo provıntsııasynyń Joǵarǵy soty túrli elderden narazylardy qoldaý úshin jibergen mıllıondaǵan dollardy, sonyń ishinde krıptovalıýta jáne túrli bank shottaryn buǵattaý týraly sheshim qabyldandy.
Shottardy buǵattaý Ottava turǵyndary men bıznesmenderdiń talap-aryzy negizinde qabyldanǵan. Advokat Pol Champdiń sózine qaraǵanda, mundaı shara kanadalyq sot isi tarıhyndaǵy alǵashqy sheshim bolǵan.
Esterińizge sala keteıik, qańtar aıynyń sońynda kanadalyq júk kóligin júrgizýshiler AQSh-qa qatynaý úshin mindetti vaktsınatsııa pasporttaryn engizýge narazylyq bildirgen bolatyn. Artynsha bul aktsııa koronavırýsqa qarsy sharalar men Djastın Trıýdo úkimetiniń saıasatyna qarsy jalpy narazylyqqa aınaldy. Keıin qarsylyq sherýi Eýropa elderinde jalǵasty.
