Kanada premer-mınıstri Djastın Trıýdo otstavkaǵa ketetinin jarııalaıdy
ASTANA. KAZINFORM — Kanada premer-mınıstri Djastın Trıýdo dúısenbi kúni qyzmetinen ketetinin jarııalaıdy dep shamalanyp otyr.
Bul týraly Kazinform menshikti tilshisi FOX News-ke silteme jasap habarlaıdy.
Lıberaldyq partııa jetekshisi Djastın Trıýdo qyzmetinen ketetini týraly sársenbi kúni ulttyq kongress otyrysyna deıin jarııalaıdy, dep habarlady Globe and Mail úsh derekkózge silteme jasap.
Bul jańalyq Djastın Trıýdonyń tanymaldylyǵy bıylǵy jyldyń 20 qazanyna jalpyulttyq saılaý josparlanǵan Kanadada tómendeýinen keıin shyqty. El turǵyn úı daǵdarysynan, jan basyna shaqqandaǵy JІÓ tómendeýinen jáne joǵary ınflıatsııadan zardap shegip otyr.
Kanadalyq áleýmettanýshy Angýs Rıdtiń málimetinshe, 2024 jylǵy 24 jeltoqsandaǵy jaǵdaı boıynsha Trıýdo saıasatyn maquldamaǵandar úlesi shamamen 68%-dy qurady, ony kanadalyqtardyń 28%-y ǵana qoldady.
2015 jyly premer-mınıstr bolǵan Djastın Trıýdo saıasatta qıyn birneshe aıdy bastan keshirdi. 2024 jyldyń qyrkúıeginde ol parlamentte senimsizdik votýmyna tap boldy.
Eske salsaq, buǵan deıin Tramp Kanadany 51-shi shtat etip qalyptastyrý ıdeıasyn alǵa tartyp otyrǵany málim boldy.