Kanada premer-mınıstri: 4 provıntsııada bastalǵan koronavırýstyń ekinshi tolqyny taralyp jatyr
NUR-SULTAN. QazAqparat – Kanadanyń premer-mınıstri Djastın Trıýdo 23 qyrkúıek kúni halyqqa arnaǵan úndeýinde koronavırýs ınfektsııasynyń ekinshi tolqyny bastalǵanyn aıtyp, onyń birinshisine qaraǵanda aýyr bolýy yqtımal ekendigin eskertti.
«Tórt iri provıntsııamyzda bastalǵan ekinshi tolqyn jan-jaqqa taralyp ketken. Jaǵdaı kóktemge qaraǵanda áldeqaıda nashar bolýy múmkin», - dedi ol CTV News telearnasynyń efırinde.
Premerdiń aıtýynsha, naýryz aıynda aýrý juqtyrýdyń 47 jańa oqıǵasy tirkelse, 22 qyrkúıekte olardyń sany 1 myń adamnan asqan.
Trıýdo «ekinshi tolqyndy baqylaýǵa alý» múmkindigi áli bar ekenin atap ótti, ol úshin kanadalyq azamattar maska taǵyp, áleýmettik qashyqtyqty saqtap júrýi jáne tumaýǵa qarsy ekpe jasatýy tıis.
Worldometer málimetinshe, Kanadada COVID-19 juqtyrýdyń 147,8 myń oqıǵasy tirkelgen, 9,2 myń adam qaıtys boldy, 91,5 myńnan astam patsıent jazylyp shyqty.
