Kanada men Fınlıandııa hokkeıden álem chempıonaty jartylaı fınalyna shyqty
ASTANA. KAZINFORM — Shaıbaly hokkeıden 2026 jylǵy álem chempıonaty elıtalyq dıvızıonynda jartylaı fınalǵa shyqqan eki qurama anyqtaldy.
Alǵashqy shırek fınalda Kanada men AQSh quramalary kezdesti. Kezdesý barysynda kanadalyq hokkeıshiler jınaqy qımyl kórsetti. Birinshi jáne ekinshi kezeńde olar bir-bir shaıbadan engizse, úshinshi kezeńde taǵy jaýapsyz eki gol soqty.
Osylaısha kanadalyq hokkeıshiler qarsylasynan: 4:0 esebimen basym túsip, jartylaı fınal joldamasyna qol jetkizdi.
Taǵy bir kezdesýde Fınlıandııa men Chehııa sheberlik baıqasty. Bul oıynda 4:1 esebimen fınlıandııalyq hokkeıshiler jeńiske jetti.
Dál qazir shırek fınalda Shveıtsarııa men Shvetsııa, Norvegııa men Latvııa oınap jatyr.
Jartylaı fınal oıyndary 30 mamyrǵa belgilengen. Fınal men 3-oryn úshin oıyn 31 mamyrda ótkiziledi.
Bıyl elıtalyq dıvızıonnan Italııa men Ulybrıtanııa quramalary túsip qaldy. Olardyń ornyn birinshi dıvızıonda alǵashqy eki orynǵa ıe bolǵan Qazaqstan men Ýkraına quramalary ıe boldy.
Shaıbaly hokkeıden álem chempıonaty 1920 jyldan beri turaqty túrde ótkizilip keledi. Kanada — 28, Reseı (KSRO) — 27, Chehııa (Chehoslovakııa)- 13, Shvetsııa — 11, Fınlıandııa — 4, AQSh — 3, Ulybrıtanııa men Slovakııa 1 márte chempıondyq tuǵyrǵa kóterildi.
