Kanada men Avstralııa Ońtústik-Shyǵys Azııanyń astyq naryǵyn jaýlap aldy
ASTANA. Qańtardyń 12-si. QazAqparat - Azııalyq astyq ımporttaýshylar statıstıka qyzmetteriniń sońǵy esepterindegi málimetter boıynsha, osy naryqta Kanada men Avstralııa kóshbasshy bolyp otyr.
Bul aqparatty «Qazagromarketıng» kompanııasy www.idk.ru saıtyna silteme jasap taratty.
Máselen, sońǵy tenderlerdiń qorytyndysyna sáıkes, Kanada aqpan-naýryz aılarynda Taıland pen Indonezııaǵa astyq jetkizbek, al sońǵy bir-eki aptanyń ishinde avstrııalyq astyq Azııanyń ońtústik-shyǵysyna jetkizilgen.
Kanada astyq óndirisiniń Taılandqa jetkizetin ónimi 45 myń, al Indonezııaǵa 25 myń tonnany quraıdy. Ár tonnasynyń ortashy baǵasy saqtandyrý men júkti tasymaldaý qunyn qosqanda 300-310 dollar shamasynda. Sońǵy ýaqytta kanadalyqtar Ońtústik-Shyǵys Azııa naryǵyna óz ónimderin shyǵaryp, birte-birte amerıkandyq eksporttaýshylardy yǵystyrýda. Proteınge baı Kanada astyǵynyń baǵasy básekelesterine qaraǵanda birshama tómen.
Avstrııalyq eksportaýshylar azııalyqtarǵa premıým synypty (APW) jáne avstrııalyq standartty (ASW) astyqty satýda. Sońǵy aptada joǵaryda atalǵan suryptardyń iri partııasy Malaızııa, Indonezııa jáne Vetnam naryǵyna jetkizilgen. Standartty astyqtyń ortasha baǵasy metrlik tonnasyna 245-255 dollardy, al premıým synypty astyqtyń baǵasy tonnasyna 250-260 dollardy qurap otyr.
