Kanada kokaın men basqa da aýyr esirtkilerdi saqtaýǵa ýaqytsha ruqsat berdi

ASTANA. QazAqparat – Búginnen bastap Kanadada shaǵyn kólemdegi aýyr esirtkilerdi saqtaýǵa ruqsat beretin zań kúshine enedi, dep habarlaıdy QazAqparat CBC.ca saıtyna silteme jasap.

Kanada jańalyqtar agenttiginiń jazýynsha, esirtkilerdi saqtaýdy qylmyssyzdandyrý jobasy ázirge bir provıntsııada iske qlsylyp, pılottyq rejımde júzege asyrylady. Brıtandyq Kolýmbııa provıntsııasyndaǵy 18 jastan asqan adamdarǵa arnalǵan 3 jyldyq pılottyq joba 2,5 grammǵa deıin kokaın, metamfetamın, MDMA, sondaı-aq opıoıdtardy (geroın, fentanıl jáne morfın) saqtaýdy qylmystyq jaýapkershilikke tartpaıdy. Joba 2026 jyldyń 31 qańtaryna deıin jumys isteıdi.

Brıtandyq Kolýmbııa koronerler qyzmeti jarııalaǵan statıstıkaǵa sáıkes, provıntsııadaǵy ólimniń 85 paıyzdan astamy 2019 jyldan 2022 jylǵa deıin opıoıdty analgetık – fentanıldi paıdalaný saldarynan bolǵan. Kokaın men metamfetamınnen qaıtys bolǵandardyń úlesi sáıkesinshe 44,8 jáne 41,8 paıyz.

Kanadanyń Densaýlyq saqtaý mınıstrliginiń málimetinshe, federaldy úkimet onyń tıimdiligin baǵalaý úshin pılottyq jobany búkil merzim ishinde qadaǵalaıdy.

Foto: Ben Nelms/CBC