Kanada Qazaqstannyń antııadrolyq bastamalaryna qoldaý bildirdi
Іs-sharany Qazaqstannyń Kanadadaǵy Elshiligi, «ıAdrolyq qarýsyzdaný jáne taratpaýdy qoldaıtyn parlamentshiler (PNND)» jáne «ıAdrolyq qarýǵa tyıym salý týraly konventsııany qoldaıtyn kanadalyqtar» úkimettik emes uıymy uıymdastyrdy.
Óz baıandamasynda Qazaqstan Elshisi Konstantın Jıgalov Qazaqstandy jahandyq antııadrolyq qozǵalystyń kóshbasshyna aınaldyrǵan Prezıdent Nursultan Nazarbaevtyń ıadrolyq qarýsyzdaný jáne taratpaý salasyndaǵy negizgi sheshimderi men bastamalaryn jan-jaqty atap ótti.
«ıAdrolyq qaýip-qaterlermen kúresýdiń mol tájirıbesine negizdelip, elimiz antııadrolyq taqyrypty 2018 jylǵy qańtar aıyndaǵy BUU Qaýipsizdik Keńesindegi tóraǵalyǵynyń basty basymdyqtarynyń biri retinde belgiledi», - dep aıtty qazaqstandyq dıplomat.
K. Jıgalov «ICAN» jumysyna belsendi qatysyp kelgen Kanada jurtshylyǵyn quttyqtady. Hırosımadaǵy atom bombasynan zardap shekken kanadalyq belsendi Setsýko Týrloý atalǵan halyqaralyq qozǵalystyń atynan bıylǵy Nobel syılyǵyn alady. Sonymen qatar, Úıeńki japyraǵy eliniń eń joǵarǵy azamattyq marapaty bolyp tabylatyn «Kanada ordeniniń» myńnan astam ıegerleri halyqaralyq qaýymdastyqty ıAdrolyq qarýǵa tyıym salý týraly konventsııany ázirleý jónindegi úlesterdi kúsheıtýge shaqyratyn petıtsııaǵa qol qoıǵany jarııalandy.
Іs-sharaǵa Kanada Parlamenti Qaýymdar palatasynyń spıkeri Djef Rıgan, spıkerdiń orynbasary Kerol Hıýs, Senattyń Halyqaralyq ister jáne syrtqy saýda komıtetiniń tóraıymy Reınel Andreıchýk, Parlament depýtattary men senatorlar, ıadrolyq qarýǵa tyıym salýdy qoldaıtyn kanadalyq úkimettik emes uıymdar jáne buqaralyq aqparat quraldarynyń ókilderi qatysty.
Jınalǵan qatysýshylar jahandyq jáne óńirlik ıadrolyq qaýipsizdikti qamtamasyz etýge baǵyttalǵan Qazaqstannyń úlesine joǵary baǵa berip, BUU QK quramyndaǵy aldaǵy jumystaryna tabys tiledi. Kanadalyqtar ıadrolyq qarýdan azat álem qurý boıynsha qoǵamdyq qoldaýdy jumyldyrýǵa baǵyttalǵan ATOM jobasynyń qyzmetin de quptady.
