Kanada Izraılge 14,7 mln dollardyń áskerı jáne tehnologııalyq jabdyǵyn eksporttaǵan
ASTANA. KAZINFORM — Kanada ótken jyly Izraılge shamamen 14,7 mln kanadalyq dollar kóleminde áskerı jáne tehnologııalyq ónim jóneltken, dep habarlaıdy Anadoly.
Bul týraly el úkimetiniń resmı derekteri jarııalanatyn Global Affairs Canada (GAC) saıtynda jarııalanǵan esepte aıtylǵan.
Qujatqa sáıkes, 2025 jyly Izraılge jetkizilgen áskerı jáne tehnologııalyq ónimniń jalpy kólemi 14,671 mln kanadalyq dollardy quraǵan.
Esepte 2025 jyly Izraılge áskerı ónim eksporttaýǵa berilgen 50 lıtsenzııa paıdalanylǵany da kórsetilgen. Sonymen qatar, 2024 jylǵy 8 qańtardan bastap Kanada úkimeti Gaza sektorynda qoldanylýy múmkin qarý-jaraq eksportyna ruqsat bermegeni jáne bul ustanymyn saqtap otyrǵany atap ótilgen.
Eksport lıtsenzııalary ýaqytsha toqtatylǵan
Kanadanyń burynǵy syrtqy ister mınıstri Melanı Jolı 2024 jylǵy 8 qańtardan bastap Izraılge áskerı tehnıka men tehnologııa jetkizýge arnalǵan eksporttyq lıtsenzııalardyń ýaqytsha toqtatylǵanyn málimdegen bolatyn.
Al Kanadanyń qazirgi syrtqy ister mınıstri Anıta Anand 2025 jyldyń tamyz aıynda Kanada Izraılge qarý-jaraq satpaıtynyn jáne bul saıasatty 2024 jyldan beri ustanyp kele jatqanyn aıtqan.
Budan buryn Kanada Ebola indetiniń órshýine baılanysty shekarada karantın engizgenin jazdyq
