Kanada fýtbolshylary 36 jyldan keıin álem chempıonatynyń fınalyna shyqty
NUR-SULTAN. QazAqparat - Kanada fýtboldan 2022 jylǵy álem chempıonatynyń fınaldyq satysyna joldama alǵan quramalar qataryna qosyldy, dep habarlaıdy QazAqparat tilshisi.
Kanadalyq fýtbolshylar búgin óz alańynda ıAmaıkany 4:0 esebimen tize búktirip, 36 jyldan keıin dúbirli dodaǵa qatysý múmkindigine qol jetkizdi.
Aıta ketsek, olar budan buryn 1986 jylǵy mýndıalda baq synaǵan bolatyn. Olar óz tobynda tórtinshi oryndy mise tutqan edi.
Soltústik Amerıkadan dúbirli dodaǵa beriletin taǵy eki joldamaǵa AQSh, Meksıka jáne Kosta-Rıka quramalary úmitker. Sońǵy týr oıyndary 31 naýryzǵa belgilengen.
Eske salsaq, osyǵan deıin álem chempıonatyna 19 qurama joldama alyp úlgergen edi. Olardyń qatarynda alań ıesi – Katar, Eýropa elderinen – Germanııa, Danııa, Frantsııa, Belgııa, Horvatııa, Ispanııa, Serbııa, Anglııa, Shveıtsarııa, Nıderlandy, Azııa memleketterinen – Iran, Ońtústik Koreıa, Japonııa, Saýd Arabııasy quramalary shyqqan bolatyn.
Sondaı-aq Afrıka, Soltústik Amerıka jáne muhıt aımaǵy boıynsha irikteý týrnırleri jalǵasýda.
Al Eýropada taǵy úsh joldama úshin ótpeli kezeń oıyndary ótkizilýde.
Álem chempıonaty 21 qarasha men 8 jeltoqsan aralyǵynda Katarda ótedi.
