Kanada Ebola vırýsyna qarsy synama vaktsınany Afrıkaǵa joldamaq
ASTANA. QazAqparat - Ebola vırýsyna qarsy synamalyq vaktsınany Kanada Afrıkaǵa joldamaq. Osy maqsatta Kanadadaǵy memlekettik zerthananyń birinde ázirlengen preparattyń myńǵa jýyq mólsheri (dozasy) Dúnıejúzilik densaýlyq saqtaý uıymyna beriledi. Bul týraly euronews aqparattyq telearnasy habarlady.
Sarapshylardyń sózine qaraǵanda, vaktsına maımyldarǵa egilgende óziniń tıimdiligin tanytqan, alaıda bul dári adamdarǵa áli de egilip, synalmaǵan kórinedi.
Toqtala ketetin jaıt, Ebola dertiniń qurbandar sany myń adamǵa jýyqtaǵan bolatyn. Bezgektiń taralý oshaǵy Batys Afrıka - Gvıneıa, Lıberııa men Serra-Leone bolyp otyr. Al bul vırýsqa qarsy tıimdi preparat áli tabylmaǵan. Aıta keterligi, buǵan deıin AQSh tarapy daıyndaǵan jańa preparat Lıberııadaǵy aýrýhanalardyń birinde Ebolony juqtyrǵan ıspan pastory Mıgel Paharesti ólimnen arashalaı almaǵan edi. 75 jastaǵy pastor atalmysh aýrýdy juqtyryp qaza bolǵan tuńǵysh eýropalyq bolyp otyr.
Al, Dúnıejúzilik densaýlyq saqtaý uıymy Ebola indetin halyqaralyq deńgeıdegi qaýipke jatqyzǵan bolatyn.
