Kanada Ebola indetiniń órshýine baılanysty shekarada karantın engizdi
ASTANA. KAZINFORM – Kanada Ebola indetiniń órshýine baılanysty ýaqytsha shekaralyq jáne karantındik sharalardy engizip jatyr, sonyń ishinde birneshe afrıkalyq elderden keletinder úshin kirýge shekteýler men mindetti oqshaýlaý sharalary bar, dep habarlaıdy TASS aqparat agenttigi.
Basylymnyń málimetinshe, Kanada bıligi aýrýdyń taralý qaýpi joǵary nemese óte joǵary sanatyna jiktelgen adamdar úshin birqatar ımmıgratsııalyq qujattardy 90 kúnge toqtata turý týraly jarııalady.
Shekteýler ýaqytsha vızalar, elektrondyq saıahat ruqsattaryna (eTA) jáne turaqty rezıdent vızalaryna áser etedi, bul rette tipti buryn maquldanǵan qujattardyń da kúshi ýaqytsha toqtatylady.
Sonymen qatar, 30 mamyrdan 29 tamyzǵa deıin sońǵy úsh aptada Kongo Demokratııalyq Respýblıkasy, Ýganda jáne Ońtústik Sýdanǵa barǵan azamattar, turǵyndar jáne sheteldikter úshin 21 kúndik mindetti karantın engiziledi. Aýrý belgileri bar kez kelgen adam medıtsınalyq mekemelerge tekserýden ótý úshin jiberiledi.
Bılik elde Ebola vırýsynyń taralý qaýpi tómen ekenin, al halyqaralyq epıdemıologııalyq jaǵdaı men 2026 jylǵy fýtboldan álem chempıonatyna daıyndyqty eskere otyryp bul sharalardyń aldyn alý maqsatynda júrgizilip jatqanyn atap ótti.
Osyǵan deıin Afrıkada Ebola vırýsy órship jatqanyn, 10 elge qaýip tónip turǵanyn jazdyq.
Sondaı-aq Meksıka álem chempıonaty aldynda Ebolaǵa qarsy áreketti kúsheıtetini habarlandy.
