Kanada DDU-ǵa Ebola bezgegine qarsy myń vaktsına berýge daıyn
ASTANA. QazAqparat - Kanada bıligi Dúnıejúzilik densaýlyq saqtaý uıymyna Ebola bezgegine qarsy tájirıbeli sarysýyn berýge daıyn, dep habarlady Bı-bı-sı Kanadanyń densaýlyq saqtaý mınıstrligine silteme jasaı otyryp.
Densaýlyq saqtaý mınıstri Rona Ambrozdyń aıtýyna qaraǵanda, Kanada tarapy DDU mamandaryna 800-den 1000-ǵa deıin vaktsına úlgilerin berýge daıyn. Sarapshylar Afrıka elderinde bezgekpen kúresýde vaktsınany kóbirek shyǵarý úshin keminde jarty jyl kerek dep otyr. Vaktsınany óndirýshi amerıkalyqtar ázirge preparatty az ǵana kólemde shyǵarǵanyn aıtyp otyr. Ebola vırýsynan Batys Afrıkada qurban bolǵandary sany myńnan asty, eki myńǵa jýyǵy osy vırýsty juqtyrǵan.
