Kanada bir jylda 35 myń bosqyndy qabyldady
ASTANA. QazAqparat - Kanada ótken jyldyń qarasha aıynan bastap bir jyl ishinde 35 myńnan astam sırııalyq bosqyndy qabyldady. Bul týraly eldiń Syrtqy ister mınıstrligi málimdedi, dep habarlaıdy Habar 24 telearnasy.
Quziretti organnyń habarlaýynsha, munda qonys tepken mıgranttardyń jartysyna jýyǵy Lıvannan kelgen.
Aıta ketken jón, naýryz aıynda osy memlekettiń Kóshi-qon jónindegi mınıstri Djon Makkallým ótken jyldyń aıaǵyna deıin qabyldanýǵa tıis 25 myń sırııalyq bosqyn ornalastyrylǵany týraly málimdegen bolatyn.
