Kanada bıligi Nıgerııada urlanǵan oqýshy qyzdardy tabýǵa kómektesetin boldy
ASTANA. QazAqparat - Kanada bıligi Nıgerııaǵa «Boko Haram» sodyrlar toby tutqyndap áketken 234-ten astam qyzdy tabýǵa kómektesetin baqylaý qondyrǵylaryn jiberetin boldy. Bul týraly CBC telearnasy habarlady.
Esterińizde bolsa, 15 sáýir kúni terrorıstik top Nıgerııanyń soltústiginde mektepke shabýyl jasap, joǵary synyptyń qyzdaryn urlap áketken bolatyn. Dúısenbi kúni el Prezıdenti Gýdlak Djonatan áli kúnge deıin oqýshylardyń qaıda ekenin bilmeı otyrǵanyn moıyndaǵan. Al, Nıgerııa polıtsııasy olardyń meken-jaıy týraly kez kelgen aqparat úshin 300 myń dollar kóleminde syıaqy taǵaıyndaǵan.
Osydan biraz buryn tutqyn qyzdar Kamerýn men Chad memleketterinde 2000 naıra aqshaǵa (shamamen 12 dollarǵa) kúńdikke satylyp jatyr degen habar jetken. Osy jaǵdaıdan keıin qyzdardy januıalaryna qaıtarýǵa kómektesý úshin Kanada syrtqy ister mınıstri Djon Berd ózderiniń kómek kórsetýge daıyn ekendigin habarlady.
Aıta keteıik, buǵan deıin AQSh jáne Ulybrıtanııa bıligi de kómek kórsetetinderin jarııalaǵan.
