Kanada bıligi Iranmen qatynastaryn úzedi
ASTANA. 8 qyrkúıek. QazAqparat - Ottava Islam respýblıkasynyń basshylyǵy álemdik qaýipsizdikke eleýli qater tóndirip otyr dep sanaıdy.
Bul týraly reseılik «Eko Moskvy» radıosy habarlady.
Atap aıtqanda, olar Batystyń mazasyn alyp otyrǵan ırandyq ıadrolyq baǵdarlamany, Tegerannyń Izraılǵa qarsy ustanǵan qatań saıasatyn, sondaı-aq búginde oppozıtsııamen soǵysyp jatqan Sırııa prezıdenti Bashar Asadqa kómektespekshi nıetin tilge tıek etedi. Kanadanyń syrtqy ister mınıstri bundaı jaǵdaıda el Iranmen qatynastardy odan ári jalǵastyrmaq emes dep atap ótti. Ottava óziniń dıplomattaryn Tegerannan keri shaqyryp alýda, sondaı-aq ırandyq dıplomatııalyq mıssııa qyzmetkerlerine elden ketý jóninde talap qoıyp otyr.
