Kanada azamattaryna Frantsııaǵa barǵanda saq bolýǵa shaqyrdy

ASTANA. KAZINFORM — Kanada «terrorıstik qaterdiń joǵary deńgeıin» eskere otyryp, óz azamattaryn Frantsııaǵa barǵan kezde asa saq bolýǵa shaqyrdy, dep jazdy Anadoly agenttigi.

Kanada úkimetiniń resmı saıtynda jarııalanǵan saıahat týraly eskertýinde Parıjdegi Kanada elshiliginiń telefon jelileri ajyratylǵany habarlanǵan.

Eskertý mátininde Kanadanyń azamattaryna Frantsııadaǵy joǵary terrorıstik qaterge baılanysty «asa saq bolý» qajet ekeni aıtylyp, kelesi málimetter keltirilgen:

- Sońǵy birneshe jylda Frantsııada birqatar kezdeısoq jáne ádeıi jasalǵan shabýyldar boldy. Bul oqıǵalardyń saldarynan kóptegen adamdar qaza taýyp, jaraqat aldy. Jańa shabýyldar bolýy múmkin, - delingen.

Eske sala keteıik, buǵan deıin Frantsııada túrmelerge shabýyl jasaǵan 25 adam ustalǵanyn jazǵan edik.