Kanada áıelder hokkeıinen álem chempıonatyn ótkizýden bas tartty
NUR-SULTAN. QazAqparat - Hokkeıden áıelder arasyndaǵy álem chempıonaty ótkizilmeıdi. QazAqparat bul týraly olympic.kz saıtyna silteme jasap habarlaıdy.
Halyqaralyq shaıbaly hokkeı federatsııasy baspasóz qyzmetiniń málimetinshe, álemdik týrnır 6-17 mamyr aralyǵynda Kanadada ótýi tıis edi.
«Áıelder arasyndaǵy álem chempıonaty ótpeıtin boldy. Bizge mundaı sheshim qabyldaý qıyn», - deıdi IIHF basshysy Rene Fazel.
Aıta ketelik, álem chempıonatyn qabyldaıtyn Jańa Shotlandııa provıntsııasy koronavırýs indetine baılanysty týrnırdi ótkizýden bas tartqan.
Byltyr ótýi tıis bolǵan týrnır qatarynan ekinshi ret uıymdastyrylmaı otyr.
Álem birinshiligi Olımpıada oıyndaryna baılanysty 2022 jyly da ótkizilmeıdi.
